ಅಲ್ ಅಮೀರಾತ್: T-20 ವಿಶ್ವ ಕಪ್ ನ 2ನೇ ಪಂದ್ಯದಲ್ಲಿ ಬಾಂಗ್ಲಾದೇಶದ ವಿರುದ್ಧ ಸ್ಕಾಟ್ ಲ್ಯಾಂಡ್ 6 ರನ್ ಗಳ ಜಯ ಸಾದಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಸ್ಕಾಟ್ ಲ್ಯಾಂಡ್ ನಿಗದಿತ 20 ಓವರ್ ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 140 ಗಳಿಸಿತು.
ಸ್ಕಾಟ್ ಲ್ಯಾಂಡ್ ನ ಕ್ರಿಸ್ ಗ್ರೀವ್ಸ್, ಮಾರ್ಕ್ ವಾಟ್ ಮತ್ತು ಮಾನ್ಸೆ ಉತ್ತಮ ಬ್ಯಾಟಿಂಗ್ ಪ್ರದರ್ಶನ ನೀಡದರೆ, ಉಳಿದ ಆಟಗಾರರು ಒಂದಂಕೆಯ ರನ್ ಗಳಿಸುವಲ್ಲಿ ಮಾತ್ರ ಶಕ್ತರಾದರು. ಕ್ರಿಸ್ ಗ್ರೀವ್ಸ್ 45(28), ಮಾನ್ಸೆ 29(23), ಮಾರ್ಕ್ ವಾಟ್ 22(17) ತಂಡದ ಅಗ್ರ ಸ್ಕೋರರ್ ಎನಿಸಿಕೊಂಡರು.
ಸ್ಕಾಟ್ ಲ್ಯಾಂಡ್ ನೀಡಿದ ಗುರಿಯನ್ನು ಬೆನ್ನಟ್ಟಿದ ಬಾಂಗ್ಲಾದೇಶ ನಿಗದಿತ 20 ಓವರ್ ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 137 ರನ್ ಬಾರಿಸಿ 6 ರನ್ ಗಳ ಸೋಲನ್ನು ಅನುಭವಿಸಿತು. ಬಾಂಗ್ಲಾದೇಶದ ಮುಶ್ಫಿಕುರ್ ರಹೀಮ್ 38(36), ಮಹ್ಮುದುಲ್ಲಾ 23(22), ಶಾಕಿಬ್ ಹಸನ್ 20(28), ಅಫೀಫ್ ಹುಸೇನ್ 18(12) ತಂಡದ ಗರಿಷ್ಟ ಸ್ಕೋರರ್ ಎನಿಸಿಕೊಂಡರು. ಉಳಿದ ಆಟಗಾರರ ಕಳಪೆ ಮಟ್ಟದ ಬ್ಯಾಟಿಂಗ್ ಪ್ರದರ್ಶನ ತಂಡವು 6 ರನ್ ಸೋಲನ್ನನುಭವಿಸಿತು.
ಸ್ಕಾಟ್ ಲ್ಯಾಂಡ್ ನ ಉತ್ತಮ ಬೌಲಿಂಗ್ ಪ್ರದರ್ಶನ ನಡೆಸಿದ ಬ್ರಾಡ್ಲಿ ವೀಲ್ 3, ಕ್ರಿಸ್ ಗ್ರೀವ್ಸ್ 2, ಮಾರ್ಕ್ ವಾಟ್ ಮತ್ತು ಜೋಶ್ ದಾವೆ ತಲಾ 1 ವಿಕೆಟ್ ಪಡೆದು ಮಿಂಚಿದರು.
