ಹೊಸದಿಲ್ಲಿ: ವಾಟ್ಸ್ಆ್ಯಪ್ ಸದ್ಯ ಹೊಸ ಅಪ್ಡೇಟ್ ಒದಗಿಸುತ್ತಿದೆ. ವಾಟ್ಸ್ಆ್ಯಪ್ ತನ್ನ ಸ್ಟಿಕ್ಕರ್ ಗೆ ಸಂಬಂಧಿಸಿದಂತೆ ನೂತನ ಫೀಚರ್ವೊಂದನ್ನು ಅಳವಡಿಸಿಕೊಳ್ಳುವ ಸೂಚನೆ ಹೊರಹಾಕಿದೆ. ಅಂದರೆ, ಚಾಟ್ ಮಾಡುವಾಗ ಸ್ಟಿಕ್ಕರ್ ಹುಡುಕಲು ಶಾರ್ಟ್ ಕಟ್ ಆಯ್ಕೆ ಒದಗಿಸಲಿದೆ.
ಈ ಹೊಸ ಅಪ್ಡೇಟ್ ನ ಪ್ರಕಾರ ಬಳಕೆದಾರರಿಗೆ ಹೆಚ್ಚು ತೊಂದರೆಯಿಲ್ಲದೆ ಸ್ಟಿಕ್ಕರ್ಗಳನ್ನು ವೇಗವಾಗಿ ನೋಡಲು ಅನುಮತಿಸುತ್ತದೆ. ಈ ಅಪ್ಡೇಟ್ ನಲ್ಲಿ ಜನರು ನಿರ್ದಿಷ್ಟವಾಗಿ ಸ್ಟಿಕ್ಕರ್ ವಿಭಾಗಕ್ಕೆ ಹೋಗಬೇಕಾಗಿಲ್ಲ, ಎಮೋಜಿಗಳನ್ನು ಹುಡುಕಬೇಕಾಗಿಲ್ಲ, ವಾಟ್ಸ್ಆ್ಯಪ್ ಸುಲಭವಾಗಿ ಈ ಆಯ್ಕೆಯನ್ನು ಶಾರ್ಟ್ ಕಟ್ ಆಗಿ ನೀಡುತ್ತದೆ.
ಆದರೆ, ಇದು ಯಾವುದೇ ಥರ್ಡ್ ಪಾರ್ಟಿಯ ಸ್ಟಿಕ್ಕರ್ ಪ್ಯಾಕ್ಗಳನ್ನು ಬೆಂಬಲಿಸುವುದಿಲ್ಲ ಮತ್ತು ಹೆಚ್ಚಾಗಿ ವಾಟ್ಸ್ಆ್ಯಪ್ ನಿಂದ ಕೆಲಸ ಮಾಡುತ್ತದೆ. ಆದಾಗ್ಯೂ, ಇದು ಜನರು ರಚಿಸಿದ ಸ್ಟಿಕ್ಕರ್ಗಳನ್ನು ಬೆಂಬಲಿಸುತ್ತದೆ. ನಿಮ್ಮ ವೈಯಕ್ತಿಕಗೊಳಿಸಿದ ವಾಟ್ಸ್ಆ್ಯಪ್ ಸ್ಟಿಕ್ಕರ್ಗಳನ್ನು ರಚಿಸಲು ಸ್ಟಿಕ್ಕರ್ ಮೇಕರ್ ಸ್ಟುಡಿಯೋ ಬಳಸಿ ಇದನ್ನು ಮಾಡಬಹುದು.
ಈ ಹೊಸ ವಾಟ್ಸಾಪ್ ವೈಶಿಷ್ಟ್ಯವು ಪ್ರಸ್ತುತ ಆಂಡ್ರಾಯ್ಡ್ ಬೀಟಾ ಆವೃತ್ತಿ 2.21.12.1 ನ ಭಾಗವಾಗಿ ಲಭ್ಯವಿದೆ. ಇದರರ್ಥ ಶೀಘ್ರದಲ್ಲೇ ಬೀಟಾ ಹೊರತುಪಡಿಸಿ, ಸಾಮಾನ್ಯ ಬಳಕೆದಾರರಿಗೂ ತಲುಪಲಿದೆ. ಐಒಎಸ್ ಬಳಕೆದಾರರಿಗೆ ಇದರ ಲಭ್ಯತೆಯ ಬಗ್ಗೆ ಯಾವುದೇ ಮಾಹಿತಿ ನೀಡಿಲ್ಲ.